وزیراعلیٰ راحت فنڈ میں بدعنوانی، کئی گرفتار

مہاراشٹر کے وزیراعلیٰ راحت فنڈ میں 75 لاکھ روپے کے غبن کا معاملہ سامنے آیا ہے۔

مہاراشٹر پولیس کی کرائم پرانچ نے وزیراعلیٰ راحت فنڈ میں غبن کے الزام میں چھ افراد کو گرفتار کیا ہے۔

تھانے کے شاردا ہسپتال کے ڈاکٹر سمیت چھ افراد کو وزیراعلیٰ راحت فنڈ سے 75 لاکھ روپے کے دھوکہ دہی کے الزام میں گرفتار کیا گیا ہے۔

در اصل لوگوں کو فائدہ پہنچانے کے نام پر گینگ کے رکن جس میں ایک ڈاکٹر بھی شامل ہے وزیر اعلیٰ راحت فنڈ سے پیسے حاصل کرنے کے لیے فرضی دستاویزوں کا سہارا لیا۔یہی نہیں کئی دستاویزوں میں چھیڑ چھاڑ کے ساتھ ساتھ کئی مریضوں کے آدھار کارڈ کو ان کے ساتھ منسلک کیا لیکن یہ رقم مریضوں ک پہنچنے کے بجائے اس گینگ کے اکاونٹ تک ہی پہنچتا رہا۔

مریضوں کی طرف سے شکایت کی بنیاد پر اس کیس کو کرائم برانچ کے حوالے کر دیا گیا تھا۔

وزیر اعلیٰ دیوندر فڈنویس نے وزیر اعلیٰ راحت فنڈ کے تحت غریب مریضوں کے لیے اسکیم کا آغاز کیا تھا۔