ایک نجی اسکول کے پرنسپل جو کورونا وائرس وبائی امراض کے دوران ملازمت سے ہاتھ دھو بیٹھے ہیں ، اب وہ تلنگانہ کے کھمم ضلع میں ادلی ، وڈا اور ڈوسہ بیچنے والا ٹھیلہ چلاتے ہیں۔
مراگنی رام بابو کے پاس کھانا فروخت کرنے کے سوا کوئی دوسرا راستہ نہیں تھا تاکہ یہ یقینی بنایا جا سکے کہ وہ اپنے اہل خانہ کو کھانا مہیا کرسکے۔ رام بابو جو ایک نجی اسکول میں پرنسپل کی حیثیت سے ملازمت کرتا تھا اب وہ اپنی اہلیہ کے ساتھ ایک گرم کھانے کا ٹھیلہ چلاتے ہیں۔
ایک نیوز ایجنسی سے بات کرتے ہوئے رامابو نے کہا کہ میں ایک پرنسپل ہوا کرتا تھا ، لیکن لاک ڈاؤن کا اعلان ہونے کے بعد ، اسکول انتظامیہ نے فیصلہ کیا کہ اسکول کے دوبارہ کھلنے تک انہیں میری خدمات کی ضرورت نہیں ہے۔
انہوں نے مزید کہا کہ میرے پاس اپنے کنبے کو کھانا کھلانے کے لئے آمدنی کا کوئی دوسرا ذریعہ نہیں تھا۔ لہذا میں اور میری اہلیہ نے یہ ٹھیلہ شروع کرنے کا فیصلہ کیا۔ اب ہم ناشتے میں ادلی ، وڈا اور ڈوسہ فروخت کرتے ہیں۔
تاہم رامابو نے کہا کہ وہ واحد شخص نہیں ہیں جو ان حالات سے دوچار ہیں کیوں کہ اب ان جیسے بہت سے افراد کو کورونا وائرس کے ذریعہ لاک ڈاؤن کے منفی اثر کی وجہ سے بے روزگار کردیا گیا ہے۔
انہوں نے کہا کہ بہت سارے لوگ مجھ جیسے بے روزگار ہیں ، میں حکومت سے گزارش کرتا ہوں کہ بحران کے اس وقت ان کی مدد کریں۔
