بورنگ اور مسخ شدہ باتوں سے عوام تھک چکی ہے: تیجسوی

بہار انتخابات کے پیش نظرتیجسوی یادو پوری طرح سے جارحانہ انداز میں نظر آرہے ہیں اور وہ وزیر اعلی نتیش کمار پر تنقید کا ایک موقع بھی نہیں چھوڑ رہے ہیں۔

بہار میں راشٹریہ جنتا دل اور اپوزیشن کے رہنما تیجسوی یادو نے ایک بار پھر بہار کے وزیر اعلی نتیش کی شدید نکتہ چینی کرتے ہوئے بہار کے کروڑوں نوجوانوں کا مستقبل برباد کرنے کا الزام عائد کیا ہے۔

تیجسوی یادو نے اتوار کے روز ٹویٹر پر لکھا 'قابل احترام نتیش جی مکمل طور پر تھک گئے ہیں۔ عوام ان کی بورنگ، تکلیف دہ، سخت، باسی اور مسخ شدہ باتوں سے تھک چکی ہے، نتیش کمار جی حقائق اور دلیلوں سے تنگ آچکے ہیں، بہار کے کروڑوں نوجوانوں کے حال اور مستقبل کو برباد کر کے وہ تاریخ کے باسی صفحات کو پلٹ رہے ہیں۔'

تیجسوی یادو کا ٹویٹ

تیجسوی یادو نتیش کمار کو سوشل میڈیا سے لے کر عوامی جلسوں تک میں چیلنج کررہے ہیں، ہفتے کے روز تیجسوی نے نتیش کمار کو براہ راست اور کھلا چیلنج دیا، انہوں نے کہا 'سیدھا اور کھلا چیلنج، وزیر اعلی نتیش کمار کو پورے بہار کے ایسے ایک پولیس اسٹیشن اور بلاک آفس کے نام کا ذکر کریں جہاں کوئی بھی پیش کش یا رشوت کے بغیر کام کیا جاتا ہے۔'

'اگر میری بات غلط ہے اور اپ کو کوئی شک ہے تو اپنی تقریر کے دوران عوام سے ایک بار پوچھیں جواب مل جائے گا'۔