لاک ڈاؤن میں جو جہاں ہے وہیں پریشان ہے،کورونا وائرس کی اس مہلک عالمگیر وبا نے ہر ایک کسی مختلف طریقوں سے پریشان کر رکھا ہے، کہیں کوئی مالی مسائل سے پریشان ہے تو کوئی ذہنی انتشار اور لوٹ کا شکار۔
اب قومی دارالحکومت کے دہلی ایئر پورٹ سے نوئیڈا تک 25 کلو میٹر کی ٹیکسی کا کرایہ کم سے کم کرایہ دس ہزار روپے ادا کرنے ہوں گے۔
خیال رہے کہ ہوائی اڈے سے بسیز بھی چل رہی ہیں لیکن نوئیڈا غازی آباد کے لیے اے سی بسیز کا کرایہ 1320 روپے ہے۔
یاد رہے کہ اے سی کے بغیر کرایہ ایک ہزار روپے ہے، تاہم میڈیا میں آنے والی اطلاعات کے بعد اب اترپردیش ٹرانسپورٹ کارپوریشن نے کہا ہے کہ یہ غلط معلومات ہے اور ہم اپنے آرڈر کا جائزہ لے رہے ہیں۔
افسران نے بتایا کہ نوئیڈا، غازی آباد سے آبائی وطن تک جانے کے لیے دس ہزار روپے لیے جارہے ہیں۔
اترپردیش سٹیٹ روڈ ٹرانسپورٹ کارپوریشن (یوپی ایس آر ٹی سی)دہلی ایئر پورٹ سے نوئیڈا اور غازی آباد جانے والوں کے لیے گاڑیوں کا انتظام کررہی ہے، لیکن کرایہ سن کر لوگ حیران رہ جائیں گے، اگر آپ ائیر پورٹ سے 250 کلومیٹر دور اترپردیش میں کہیں بھی جانا چاہتے ہیں تو آپ کو 10 ہزار روپے تک ٹیکسی کا کرایہ ادا کرنا ہوگا۔
بے شک آپ 25 کلومیٹر دور نوئیڈا ہی کیوں نہ جانا ہو، یا آپ 200 کلومیٹر دور جائیں۔
لاک ڈاؤن کے دوران چا ہے لوگ وندے بھارت مہم کے تحت بیرون ملک سے آرہے ہیں یا مزدور ٹرینیں دہلی پہنچ رہی ہیں، انہیں اپنی منزل تک پہنچنے کے لیے بہت پریشانی کا سامنا کرنا پڑتا ہے۔
یوپی ایس آر ٹی سی سیڈان ٹیکسی پر 10 ہزار اور ایس یو وی پر 12 ہزار تک وصول کررہی ہے۔
اتنا ہی نہیں بلکہ اگر سفر 250 کلومیٹر سے زیادہ ہے تو ہر اضافی کلومیٹر کے لیے 40 روپے زیادہ ادا کرنے ہوں گے ہے۔
