ممبئی کی ایک خصوصی عدالت نے منگل کے روز بالی ووڈ اداکارہ ریا چکرورتی کی عدالتی تحویل میں 6 اکتوبر تک توسیع کردی۔
اس کے فورا بعد ہی ریا اور ان کے بھائی شوویک کے وکیل ستیش مانشندے نے ضمانت کے لئے ممبئی ہائی کورٹ کی جانب رخ کیا۔
مانشندے نے کہا کہ ریا چکرورتی اور شوویک چکرورتی نے ممبئی ہائی کورٹ میں ضمانت کی درخواست دائر کی ہے۔23 ستمبر کو اس عرضی پر جسٹس ایس وی کوتوال کے سامنے سماعت کی جائے گی ۔"
ریا کی 14 روزہ عدالتی تحویل کے ختم ہونے کے بعد آج اداکارہ کو سہ پہر میں اسپیشل این ڈی پی ایس عدالت میں ویڈیو کانفرنسنگ کے ذریعے پیش کیا گیا۔
توقع کی جارہی ہے کہ این سی بی شوویک چکرورتی کے لیے ایک دن کی عدالتی تحویل طلب کرے گا۔
