ریاست اتر پردیش کے ضلع سنبھل کے تھانہ دھناری آگرہ - مرادآباد ہائی وے پر شدید کہرے کے باعث روڈویز بس اور گیس ٹینکر کے مابین زبردست ٹکر ہوئی۔
روڈویز میں سوار مسافر ، ڈرائیور اور گیس ٹینکر کے ڈرائیور سمیت تقریبًا سات افراد کی موت ہوگئی اور پچیس افراد شدید طور پر زخمی ہوئے ہیں۔زخمی افراد کو آس پاس کے ہسپتال میں بھرتی کرایا گی۔
ایس پی چکریش مشرا نے بتایا کہ' دھناری تھانہ علاقے کے آگرہ - مرادآباد ہائی وے پر علیگڑھ ڈپو کی بس اور گیس ٹرینکر کی آمنے سامنے ٹکر ہوجانے کی وجہ سے سات لوگوں کی موت ہو چکی ہے جبکہ تقریبًا پچیس لوگ زخمی ہیں۔
مزید پڑھیں:
بس اور گیس ٹینکر کی ٹکر اتنی زبردست تھی کہ دونوں گاڑیوں کے آگے حصے چکنا چور ہونے کی وجہ سے گیس ٹینکر اور روڈ ویز کے ڈرائیور کی موقع پر ہی موت ہو گئی۔ مرنے والوں میں روہت کمار رانا اتر پردیش پولیس کے ملازم بھی شامل ہے۔
