سچن پائلٹ کی پریس کانفرنس میں کیا رہا خاص

سچن پائلٹ نے منگل کے روز جے پور میں پریس کانفرنس کی اور گذشتہ ایک ماہ سے ریاست میں جاری سیاسی پیشرفت پر تبادلہ خیال کیا۔ اس دوران انہوں نے کہا کہ ان دنوں میں میرے لئے جو الفاظ استعمال کیے گئے ہیں وہ مناسب نہیں ہیں۔

ایک طویل وقفے کے بعد سچن پائلٹ نے منگل کے روز جے پور میں صحافیوں سے گفتگو کی۔ اس دوران انہوں نے کہا کہ پیر کے روز ہم نے راہل گاندھی اور پرینکا گاندھی سے ملاقات کی۔ اچھے ماحول میں فیصلہ کن مباحثہ ہوا۔ اس دوران دہلی میں ایم ایل اے کے ساتھ کے سی وینوگوپال، پرینکا گاندھی سمیت متعدد رہنماؤں کے ساتھ بات چیت ہوئی۔

انہوں نے صحافیوں کو بتایا کہ مجھے ایس او جی کے ذریعے نوٹس موصول ہوئی، اس کے علاوہ ہم نے محسوس کیا کہ ہم پر جو غداری کا الزام لگایا گیا ہےوہ انصاف نہیں ہے۔

انہوں نےکہاکہ' ہم پہلے دن دہلی گئے تھے اور ہم نےکہا تھا کہ ہم اپنا معاملہ پارٹی کے اندر رکھنا چاہتے ہیں۔ ہم نے جو بھی اقدام کیا وہ پارٹی کے خلاف نہیں تھا۔ انہوں نے مزید یہ بھی کہاکہ' ہمارا ایک بھی بیان پارٹی کے خلاف نہیں تھا۔