تلگو دیشم پارٹی کے صدر چندرابابو نائیڈو نے الزام لگایا کہ آندھراپردیش کی حکمراں جماعت وائی ایس آر کانگریس کے رہنما کمزور طبقات پر ظلم وستم ڈھارہے ہیں۔
انھوں نے کہا کہ مودنا پلی میں گھر کو آگ لگانے والا وائی ایس آر کانگریس کا رہنما ہے، انھوں نے کہا کہ مچا دھنا لکشمی نامی خاتون کے گھر کو اس لیے نذر آتش کیا گیا کیونکہ مذکورہ خاتون کے افراد خاندان نے پولیس میں شکایت کی تھی۔
انھوں نے الزام لگایا کہ حکمراں جماعت کے رہنما نے لڑکی کو پیار کے جال میں پھانس کر شادی کا وعدہ کرتے ہوئے اسے دھوکہ دیا اور جب اس کے خلاف پولیس میں شکایت کی گئی تو اس کے گھر کو آگ لگادی گئی۔
انھوں نے کہا کہ جگن حکومت کے 15 ماہ میں کمزور طبقات پر زیادتیاں ہوئیں،اور ان پر ظلم وستم ڈھائے جارہے ہیں۔
انھوں نے مزید کہا کہ یہ حکومت تکبر اور اقتدار کے نشے میں چور ہے۔
چندرا بابو نائیڈو نے مذکورہ خاتون کے ساتھ انصاف کرنے اور خاطیوں کے خلاف سخت کاروائی کا مطالبہ کیا۔
