ریاست بہار کے ضلع ارریہ میں ان دنوں سڑک حادثے کی وجہ سے اموات میں اضافہ ہونے کے باعث لوگوں میں بے چینی پائی جا رہی ہے۔
اس ٹکر کے بعد ٹرک ڈرائیور فرار ہو گیا۔ حادثے کے بعد موقع پر پہنچے اہل خانہ نے قومی شاہرہ کو جام کر دیا ہے جس سے آمد و رفت پوری طرح سے متاثر ہو گئی۔
اطلاع کے مطابق مانک پور ٹولہ پوکھریا کا باشندہ محمد شاہد مزدوری کرتا تھا اور مزدوری کرکے وہ واپس اپنے گھر جا رہا تھا، مگر اس نے ہیلمیٹ نہیں پہن رکھا تھا۔ چیکنگ کے دوران جب پولیس نے اس کا پیچھا کیا تو وہ جوکی ہاٹ کی طرف بھاگنے لگا۔ اسی درمیان پیچھے سے آ رہی ٹرک اسے ٹکر مارتے ہوئے آگے بڑھ گئی۔ تصادم اتنا زبردست ہوا کہ لاش کے کئی اعضاء الگ ہو گئے۔ بتا دیں کہ محمد شاہد کی ابھی چھ ماہ قبل ہی شادی ہوئی تھی۔
موقع پر پہنچے سابق رکن پارلیمان سرفراز عالم نے کہا کہ پولیس کی وجہ سے یہ حادثہ پیش آیا ہے۔ اگر پولس اس کے پیچھے نہیں دوڑتی تو وہ نہیں بھاگتا۔ انہوں نے کہا کہ ضلع انتظامیہ صرف غریبوں کو نشانہ بنا رہی ہے۔ حالانکہ پولیس موقع پر پہنچ چکی ہے اور اہل خانہ کو سمجھانے کا کام کر رہی ہے۔ پولیس حادثے کی مزید جانچ کر رہی ہے۔
