لاک ڈاؤن میں توسیع کے نتیجے میں ہزاروں تارکین وطن مزدوروں کے ممبئی کے بینڈرا ریلوے اسٹیشن پر جمع ہونے کے واقعے پر کانگریس نے ردعمل دیا۔
اس ضمن میں مہاراشٹر کانگریس کے رہنما اشوک چوان نے الزام لگایا کہ ساوتھ سنٹرل ریلوے کے خصوصی حکم نامے کی وجے افراتفری کا ماحول پیدا ہوگیا۔ اور ورکرز وہاں جمع ہوئے۔
اشوک چوان نے کہا: 'باندرا اسٹیشن معاملے میں ایک اہم انفارمیشن ہمیں ملی ہے'۔
ریلوے کے ڈپٹی چیف کمرشل منیجر کا ایک حکم 13 اپریل کو جاری کیا گیا تھا ، جس میں بتایا گیا تھا کہ 'جن سدھارن اسپیشل ٹرینز' ریاست میں پھنسے ہوئے تارکین وطن مزدوروں کے لیے چلائی جائیں گیں۔
انہوں نے الزام لگایا کہ"اس لیٹر کی وجہ سے لوگوں میں افراتفری پھیل گئی اور دفعہ 144 کی خلاف ورزی ہوئی۔ مرکزی حکومت کے محکمہ ریلوے کا اس طرح کا واقعہ سنگین معاملہ ہے۔"
دوسری جانب ، اس معاملے پر ، ریلوے نے بھی آج ، واضح کرتے ہوئے کہا کہ داخلی منصوبہ بندی سے متعلق کچھ گوشوں نے غلط تشریح کی ہے اور یہ غلط خبر پہنچائی گئی کہ مہاجر مزدوروں کے لیے خصوصی ٹرینز چلائی جارہی ہیں۔ جبکہ تمام ٹرینز 3 مئی تک منسوخ کردی گئی ہیں۔
