ریاست بہارمیں نظم ونسق کی بگڑتی صورتحال پر حزب مخالف رہنما تیجسوی یادو نے تشویش کا اظہار کرتے ہوئے کہا کہ وزیراعلیٰ نتیش کمار سے جب ریاست سنبھل نہیں رہا ہے تو انہیں استعفیٰ دے دینا چاہئے۔
یادو نے آج یہاں کہاکہ بہار میں غنڈوں، زانیوں ، مافیاﺅں ، بدمعاشوں ، اور شیطانوں کا راج ہو گیا ہے ۔
انہوں نے الزام لگایا ہے کہ ریاست میں گاجر ۔ مولی کی طرح لوگ کاٹے جارہے ہیں۔ انہوں نے کہاکہ اب بہت ہو گیا ۔ بہار سنبھل نہیں رہا ہے تو وزیراعلیٰ استعفیٰ دیں۔
حزب مخالف رہنما نے وزیراعلیٰ سے کہاکہ برائے مہربانی اپنے دلارے۔ پیارے اور اقتدار کے زیر سایہ پلنے والے غنڈوں پر لگام لگائیے ۔ آپ کے چندہ وصولی کے ہدف کی خاطر کتنی ماﺅں کی گود سونی ہوگئی ہے ۔ ان گنت بہنوں کے سہاگ اجڑ گئے ہیں۔ بیشمار بچے یتیم ہو گئے ہیں۔
انہوں نے کہاکہ جنگل راج کہنے والوں کے ہونٹ اب سل دیئے گئے ہیں یا وہ اپنی ناقابلیت کی وجہ سے شرم کے مارے بول نہیںپارہے ہیں۔
