رابطہ عامہ کے چیف افسر رویندر بھاکر نے بتایا کہ ایک پارسل خصوصی ٹرین جمعرات کو احمد آباد کے کانکریا سے اڈیشہ کے خردا روڈ کے درمیان چلے گی جبکہ دو پارسل اسپیشل ٹرینیں کل چلائی گئیں جن میں پوربندر۔شالیمار اور اوکھا۔ گواہاٹی اسپیشل ٹرین شامل ہیں۔
مغربی ریلوے نے 23 مارچ سے 16 جون تک 58500 ٹن سے زیادہ وزن والی اشیا کو 341 پارسل خصوصی ٹرینوں کے ذریعہ ملک کے مختلف حصوں میں پہنچایا جن میں خاص طور پر زرعی پیداوار، دوائیں، مچھلی، دودھ وغیرہ شامل ہیں۔
اس آمدورفت سے تقریباً 18.70کروڑروپے کی آمدنی ہوئی ہے۔ اس مدت کے دوران 44 ملک اسپیشل ٹرینیں چلائی گئیں جن میں تقریباً 33 ہزار ٹن اور ویگنوں کے سو فیصد استعمال کے ساتھ تقریباً 5.65 کروڑ روپے کا ریونیو حاصل ہوا۔
اسی طرح 23 ہزار ٹن سے زیادہ وزن والی 292 کووڈ-19 اسپیشل پارسل ٹرینیں بھی ضروری اشیا کی آمدورفت کے لئے چلائی گئیں جن کے ذریعہ حاصل ریونیو 11.98کروڑ روپے رہا۔
ان کے علاوہ 2378 ٹن کے ساتھ پانچ انٹینٹیڈ ریک بھی چلائے گئے جن سے 1.07 کروڑ روپے سے زیادہ کا ریونیو حاصل ہوا۔
انہوں نے بتایا کہ 22 مارچ سے 16 جون تک لاک ڈاؤن کی مدت کے دوران 13.27 ملین ٹن کی ضروری اشیا کی سپلائی کرنے کے لئے مال گاڑیوں کے مجموعی طورپر 6536 ریکوں کا استعمال کیا گیا۔
