سبکدوش کرنل پرتھوی پال سنگھ بھارتیہ فوج کا ایک ایسا نام ہے جس نے نہ صرف جنگ کے میدان میں اپنے جو ہر دکھائے بلکہ وہ ملک کے ایک واحد انوکھے ایسے فوجی تھے جنہوں نے فوج کے تینوں بحری بری اور ہوائی شعبوں میں قابل قدر خدمات انجام دیں۔ دوسری عالمی جنگ سمیت کئی جنگ لڑ چکے پرتھوی پال سنگھ کے آج 100 برس مکمل ہونے پر لوگوں نے انہیں مبارکباد پیش کی۔
سبکدوش کرنل پرتھوی پال سنگھ کے تعلق سے یہ باتیں کہی جاتی ہیں کہ اپنے اہل خانہ سے اجازت طلب کیے بغیر ہی وہ انگریزی دور اقتدار میں رائل انڈین ایئر فورس میں بھرتی ہوگئے تھے۔ اس کے بعد انہیں کراچی میں پائلٹ آفیسر کے عہدے پر مقرر کیا گیا تھا۔
سنہ 1942 میں وہ رائل انڈین ایئر فورس میں بطور کیڈٹ داخل ہوئے اس کے بعد ایئر فورس پھر نیوی میں گئے اور پھر وہاں سے انہوں نے آرمی جوائن کرلی۔ اپنے سبکدوش ہونے کے وقت وہ بھارت کے ایک واحد ایسے آفیسر تھے جنہوں نے فوج کے تینوں بحری بری اور ہوائی شعبوں میں اپنی خدمات انجام دیں۔
سنہ 1965 میں بھارت- پاکستان جنگ ہو یا پھر جموں و کشمیر اور پنجاب سرحد ان سبھی جگہوں میں وہ اپنی خدمات انجام دے چکے ہیں ساتھ ہی شمال مشرق کے پہاڑی جنگلات میں بھی انہوں نے کئی برس گزارے۔
مزید پڑھیں: کشمیری طلبا کی انٹرنیٹ تک رسائی نہیں تو جامعہ ملیہ کے آن لائن امتحانات میں شرکت کیسے ممکن؟
کرنل پرتھی پال سنہ 1965 کی جنگ میں 71 میڈیم ریجمنٹ کی سربراہی کر رہے تھے۔ جنگ کے وقت پاکستانیوں نے ان کے بندوق کی ایک بیٹری چوری کرلی وہ ان کے پیچھے گئے اور دوبارہ اسے واپس لیا۔ کرنل نے بتایا کہ ایک فوجی کے لیے اس کی بندوق سے بڑھ کر کچھ نہیں ہوتا وہی اس کی شان اور اسکی عزت ہے'۔کرنل پرتھوی پال کو فیلڈ مارشل سیم مونوکشا کے ساتھ گزارا ہوا وقت اچھی طرح یاد ہے۔ تب وہ امفال میں سیکٹر کمانڈر تھے اور وہیں سام سے ان کی ملاقات ہوئی تھی۔ اس دوارن دونوں شکار پر جاتے تھے۔ 100 بہاریں دیکھنے کے بعد بھی کرنل پرتھوی پال کا جوش کم نہیں ہوا ہے۔
