ملک کے 50 بڑے کاروباریوں کے ہزاروں کروڑ روپئے کا قرض معاف

آر ٹی آئی کارکن ساکیت گوکھلے نے اس معاملے میں آر بی آئی سے آر ٹی آئی کے ذریعے اس بات کی تفصیلات حاصل کی تھی کہ بینک نے اب تک کتنے صنعت کاروں کا قرض معاف کیا ہے۔

ان کمپنیوں کے قرض معاف کیے گئے ہیں

آر بی آئی نے اس کا جواب دیا ہے کہ ملک کی بینکوں سے ملک کے بڑے صنعت کار و سرمایہ کاروں کے ذریعے حاصل کے گئے کل 68،607 کروڑ روپئے کے قرض کو آر بی آئی نے معاف کردیا ہے۔ جس میں ہیرے کے مفرور کاروباری نیرو مودی اور میہول چوکسی بھی شامل ہیں۔

آر بی آئی کا جواب

کانگریس نے بی جے پی پر یہ الزام عائد کرتے ہوئے کہا ہے کہ انہوں نے سن 2014 سے لیکر 2019 تک صنعت کاروں کے قرض کی بڑی رقم معاف کی ہے۔

کورونا وباء اور لاک ڈاؤن کے سبب ملک کی اقتصادی حالت کمزور ہوتے جا رہی ہے اور اس سے ابھرنے کا حکومت کے پاس اب تک کوئی منصوبہ یا کوئی ترکیب نظر نہیں آرہی ہے۔

ملک کی مسلسل گرتی معیشت کے باوجود ملک کے 50 بڑے صنعت کاروں کے ذریعے آر بی آئی سے لیے گئے قرضوں کو بڑی آسانی سے معاف کردیا گیا ہے۔