معروف تنظیم ’رضا اکیڈمی‘ کے جنرل سکریٹری سعید نوری نے قومی سلامتی مشیر اجیت ڈووال کے نام ایک مکتوب روانہ کیا ہے۔
یہ مکتوب ان زائرین کی حفاظت کے تعلق سے ہے جو خواجہ غریب نوازؒ کے 808 ویں عرس میں شرکت کے لیے دہلی سے اجمیر شریف جانے والے ہیں۔
یہ عرس یکم اور دو مارچ 2020 کو نہایت عقیدت و احترام کے ساتھ منایا جائے گا۔
واضح رہے کہ اجمیر شریف کے عرس میں شرکت کے لیے پورے ملک سے زائرین جاتے ہیں، ںیز وزیراعظم نریندر مودی کی جانب سے بھی خواجہ غریب نوازؒ کی درگاہ کے لیے چادر پیش کی گئی ہے۔
سعید نوری نے اپنے مکتوب میں کہا ہے کہ 'اجیت ڈووال دہلی میں امن و امان کے لیے اپنا فرض ادا کر رہے ہیں تاہم ان سے درخواست ہے کہ وہ اجمیر زائرین کی حفاظت کو یقینی بنائیں۔
