کلیان پولیس کے مطابق فحش ویڈیو وائرل کرنے کی دھمکی دے کر ایک شیو سینا رہنما نےکار میں مبینہ طورپر ایک 30 برس کی شادی شدہ خاتون کے ساتھ جنسی زیادتی کی۔ کولسے واڑی پولیس نے متاثرہ خاتون کی شکایت پر شیو سینا رہنما کے خلاف جنسی زیادتی کا مقدمہ درج کرلیا ہے۔
شیوسینا رہنما نے فون پر بتایا کہ خاتون اسے جان بوجھ کر بلیک میل کررہی ہے۔ کولسے واڑی پولیس کے مطابق متاثرہ خاتون متاثرہ خاتون ممبئی کے ڈومبیولی میں رہتی ہے۔ دو برس قبل شیوسینا رہنما سائی ناتھ ترے نے اسے ایک کاروبار میں پارٹنر بنانے کیلئے کلیان شہر کے میٹرو مال میں بلایا تھا۔
خاتون نے پارٹنر شپ سے انکار کردیا تو اُس نے فیس بک اکاؤنٹ سے متاثرہ کے ذاتی فوٹو اور کچھ ویڈیو نکال کر وائرل کر نے کی دھمکی دی تھی۔ اس ڈر سے متاثرہ خاتون سائی ناتھ ترے کے پاس گئی تو اُس نے چائے پینے کے بہانے اسے کار میں لے گیا اور جنسی زیادتی کی اور پولیس میں شکایت کرنے پر بیٹی اور شوہر کو جان سے مار نے کی دھمکی بھی دی۔
علاوہ ازیں ملزم ترے نے ایک اسٹمپ پیر پر متاثرہ خاتون سے لکھوایا کہ میں نے اپنی مرضی سے جسمانی تعلقات قائم کئے ہیں بعد ازاں اس کے خلاف متاثرہ خاتون نے پولیس سے رجوع کیا۔ پولیس نے مقدمہ درج لیا اور واقعہ کی تحقیقات شروع کردیں۔
