ترنمول کانگریس کے اقلیتی سیل کی جانب سے ان کے حلقے انتخاب برئی پور میں منعقد پروگرام میں خطاب کرتے ہوئے میمی چکرورتی نے کہا کہ رمضان میں پولنگ ہونے والی ہے مگر اس کی وجہ سے کوئی فرق نہیں پڑے گا بلکہ رمضان کے باوجود لوگ بڑی تعداد میں نکل کر ووٹ دیں گے۔
چکرورتی نے کہا کہ مجھے فلموں کے ذریعے عوام سے بہت ہی زیادہ محبت ملی ہے اس لیے میں اب سیاست کے ذریعے عوام کی خدمت کرنا چاہتی ہوں۔
میمی چکرورتی نے کہا کہ سیاست سے میرا تعلق رہا ہے اور میں ممتا بنرجی کے کاموں سے متاثر رہی ہوں اس لیے میں ممتا بنرجی کے ساتھ مل کر ریاست کی ترقی کرنا چاہتی ہوں۔
میمی چکرورتی نے کہا کہ ممتا بنرجی بھارت کی وہ رہنما ہیں جو تمام طبقات کو ساتھ لے کر چلنا چاہتی ہیں اور یہی بھارت کی خوبصورتی ہے۔
