اس دورے کے دوران انہوں نے ریاست میں حفاظتی صورتحال کا جائزہ لیا۔
انہوں نے وادی کشمیر کی موجودہ صورتحال پر ایک میٹنگ طلب کی اور سکیورٹی صورتحال کا بھی جائزہ لیا۔
راجناتھ سنگھ نے سیاچن کا دورہ کرکے وہاں تعینات فوجی جوانوں سے ملاقات کی اور سکیورٹی صورتحال کا بھی جائزہ لیا۔
اس موقعے پر ان کے ساتھ فوجی سربراہ جنرل بپن راوت اور لیفٹیننٹ جنرل کے جی ایس ڈھلون بھی موجود تھے۔
وزیر دفاع راجناتھ سنگھ کو لائن آف کنٹرول پر سکیورٹی انتظامات اور دیگر اہم امور کی بھی معلومات دی گئی۔
سیاچن دورے کے بعد وزیر دفاع نے سرینگر میں ایک اہم مٹینگ طلب کی جس میں فوج کے اعلی عہدیداران نے شرکت کی۔
مٹینگ کے دوران راجناتھ سنگھ کو وادی کشمیر کی حفاظتی صورتحال سے واقف کرایا گیا اور ریاست میں عسکریت پسندوں کے خلاف جاری آپریشن کے بارے میں بھی معلومات دی گئی۔
دوسری جانب امرناتھ یاترا کو احسن طریقے سے انجام دینے کے لیے حفاظتی بندوبست کے بارے میں بھی مکمل جانکاری فراہم کی گئی۔
