راجہ سنگھ کا سکیورٹی گارڈ کورونا وائرس سے متاثر

حیدرآباد میں بھارتیہ جنتا پارٹی کے ایم ایل اے راجہ سنگھ کے گن مین کو کورونا وائرس کا مرض لاحق ہوگیا ہے۔

تلنگانہ بی جے پی کے واحد رکن اسمبلی راجہ سنگھ کا گن مین بلرام یادو کورونا وائرس سے متاثر ہوگیا۔

بلرام میں کورونا وائرس کے علامات پائے جانے پر اس کا ٹسٹ کیا گیا اور رپورٹ مثبت پائی جانے کی تصدیق ہوگئی ہے۔

اسے علاج کے لئے گاندھی اسپتال پہنچایا گیا۔

بتایا گیا ہے کہ گن مین کو کورونا ہونے کے بعد رکن اسمبلی راجہ سنگھ نے بھی کورونا ٹسٹ کروایا۔ تاہم رپورٹ موصول نہیں ہوئی۔