رابطہ عامہ کے چیف افسر سمت ٹھاکر نے منگل کو بتایا کہ عالمی وبا کورونا وائرس کی وجہ سے حالیہ منظر نامے کے پیش نظر بلا تاخیر طبی سامان کی ضرورتوں والے لوگوں کی مدد کرنے کےلئے بھی مغربی ریلوے نے اپنی پارسل خصوسی گاڑیوں کے ساتھ ساتھ مال گاڑیوں کے ذریعہ سے بھی ملک کے مختلف حصوں میں ضرورت کی چیزوں کا ٹرانسپورٹ کرنے میں اہم کردار ادا کیا ہے۔
کووڈ -19 کے پیش نظر جب ٹرانسپورٹ کے دیگر وسائل بند ہیں تو طیب ضروریات کو پورا کرنا بےحد مشکل تھا۔ایسے میں اسی فہرست میں مغربی ریلوے نے 23 مارچ سے نو اگست تک تقریباً 3932 ٹن دوائیاں اور میڈیکل سامان ملک کے مختلف حصوں میں پہنچایا ہے،جس کے پیش نظر 1.75 کروڑ روپے کا محصول حاصل ہوا ہے۔س میں دواؤں کے علاوہ میڈیکل اور سرجیکل سامان جیسے ماسک ،سینیٹائز ،پی پی ای کٹ ،دستانے وغیرہ کا ٹرانسپورٹ بھی کیاگیا۔
انہوں نے بتایا کہ 23 مارچ سے نو اگست تک کورونا کی وبا کے برے اثرات کے باوجود 456 پارسل خصوصی ٹرینوں کے ذریعہ سے مغربی ریلوے کے ذریعہ 95 ہزار ٹن سے زیادہ وزن والی چیزوں کا ٹرانسپورٹ کیا گیا،جن میں زرعی پیداوار ،دوائیاں ،مچھلی دودھ وغیرہ اہم طورپر شامل تھے۔اس ٹرانسپورٹ کے ذریعہ سے پیدا محصول تقریباً 30.51 کروڑ روپے رہا ہے۔اس مدت کے دوران مغربی ریلوے کے ذریعہ 71 دودھ اسپیشل ٹرینیں چلائی گئیں،جن میں تقریباً 54 ہزار ٹن کا وزن تھا اور اس سے تقریباً 9.28 کروڑ روپے کا رینیو پیدا ہوا۔
