گذشتہ روز وہ کورونا وائرس سے متاثر ہوگئے تھے، پھر انہیں ہسپتال میں داخل کرایا گیا تھا۔
اس بات کی جانکاری انھوں نے اپنے ٹوئٹر اکاونٹ پر دی تھی۔
ان کے ہزاروں چاہنے والے ان کی زندگی کی دعا مانگ رہے تھے، مگر مشیت ایزدی کو کچھ اور ہی منظور تھا۔
راحت کورونا وائرس کو مات نہ دے سکے بلکہ خود مات کھا گئے۔
ان کے انتقال سے اردو شاعری کا ایک دور ختم ہوا۔ وہ مشاعرے کی جان ہوا کرتے تھے۔
ریاست کے وزیراعلیٰ شیوراج سنگھ چوہان ٹوئٹ کے ذریعہ انہیں خراج عیقدت پیش کیا ہے۔ انھوں نے لکھا کہ راحت اندوری کا انتقال ریاست اور ملک کے ناقابل تلافی نقصان ہے۔
وہیں بھارت کے وزیردفاع راج ناتھ سنگھ ٹوئٹ پر اپنے خراج عقیدت پیغام میں لکھا کہ وہ اردو شاعری کی قد آور شخصیت تھے، ان کے انتقال سے ادبی دنیا کو بہت بڑا نقصان ہوا ہے۔
راحت اندوری کی پیدائش کی یکم جنوری 1950 کو اندور میں ہوئی تھی۔ اور وہیں ان کا انتقال 11 اگست 2020 کو ہوگیا۔
یہ بھی پڑھیے:عالمی شہرت یافتہ شاعر راحت اندوری کا انتقال
انھوں نے ایک بھرپور زندگی جی اور شاعری کے ذریعہ مایوس دلوں میں امید کی کرن پیدا کی۔
آنکھ میں پانی رکھو ہونٹوں پہ چنگاری رکھو
زندہ رہنا ہے تو ترکیبیں بہت ساری رکھو
