ریاست پنجاب میں منشیات کے عادی ایک نوجوان کو خود کشی سے روکنے کے لیے والدین نے سختی برتتے ہوئے زنجیر سے جکڑ دیا ہے تا کہ وہ اس عادت سے چھٹکارہ حاصل کرسکے۔
اطلاعات کے مطابق 35 سالہ منشیات کا عادی جسبیر سنگھ شادی شدہ اور دو لڑکوں کا والد ہے۔ اس نے خود کشی کی کوشش کی لیکن وہ ناکام رہا۔ جس کے بعد اسے زنجیر سے جکڑ دیا گیا ہے۔
سنگھ نے کہا کہ 'میں منشیات چھوڑنے کی کوشش کر رہا ہوں۔ لیکن میں ایسا کرنے سے قاصر ہوں، میں نے گاؤں کے قبرستان میں بھی خودکشی کی کوشش کی تھی۔ میں ایک سال سے زیادہ عرصے سے منشیات لے رہا ہوں۔'
جسبیر سنگھ کے والد کلا سنگھ کے مطابق ان کا بیٹا گزشتہ چند برسوں سے منشیات کا استعمال کررہا ہے جس کی وجہ سے وہ اس کا عادی بن گیا۔
ڈپٹی سپرینڈیڈ آف پولیس نے بتایا کہ ڈرکز کو فروخت کرنے والوں کے خلاف سخت کارروائی کی جائے گی۔
