کسانوں کی ٹریکٹر ریلی دہلی میں داخل

زرعی قوانین کے خلاف احتجاج کر رہے کسان سنگھو اور ٹکری بارڈر پر پولیس بیریکیڈ کو توڑ کر دہلی میں داخل ہوگئے۔ اس دوران پولیس نے انہیں روکنے کی کوشش بھی کی۔

کسانوں کی مجوزہ ریلی 11 بجے شروع ہونے والی تھی لیکن انہوں نے پہلے ہی ریلی نکال دی اور دہلی میں داخل ہوگئے۔

تفصیلات کے مطابق سنگھو بارڈر سے کسانوں کے ایک دستے نے ٹریکٹر مارچ شروع کیا ہے۔ بتایا جارہا ہے کہ یہ سارے 'کسان مزدور سنگھرش سمیتی' پنجاب سے وابستہ ہیں۔

زرعی قوانین کے خلاف احتجاج کرنے والے کسان دہلی بارڈر پر سنگھو، ٹکری اور غازی پور کے تین مقامات پر آگے بڑھنے کی کوشش کر رہے ہیں۔

پریڈ کے لیے کسانوں کا گروپ سنگھو بارڈر سے نکلنا شروع ہوگیا ہے۔ کسانوں کا یہ گروپ کنجھاولا چوک۔اوچندی بارڈر۔ کے ایم پی۔جی ٹی روڈ جنکشن کی طرف بڑھ رہا ہے۔