ہبلی میں سی اے اے کے خلاف احتجاج

ریاست کر ناٹک ہبلی شہر میں تمام علمائے کرام سیاسی رہنما اور دیگر مذاہب کے رہنماؤں کی جانب سے احتجاج کیا گیا۔ اس موقع پر مولانا محمد علی قاضی نے ای ٹی وی بھارت سے بات کرتے ہوئے کہا کہ بھارت ایک ملک جمہوری ملک ہے یہاں پر ہر مذہب کو ماننے والے رہتے ہیں۔

مرکزی حکومت ڈاکٹر بابا صاحب امبیڈ کر کے لکھے ہوئے دستور ہند میں رد و بدل کرنے کی کوشش کرتی ہی جارہی ہے ، ملک میں ین آر سی ، سی اے اے کو نافد کر کے ہندو مسلم میں نفرت پیدا کر نے کی کوشش کر رہی ہے۔

ڈاکٹر بابا صاحب امبیڈ کر، سوامی ویکا نند اور دیگر عظیم ہستیاں اس ملک کے سیکولرازم پر فخر محسوس کرتے تھے۔ آج اس ملک کی مرکزی حکومت ملک کی سیکولرازم کو ختم کر نے کی کوشش کر رہی ہے۔

اس ملک میں ہندو مسلم سکھ، عیسائی، اور دیگر مذاہب کے عوام بھائی چارگی سے اپنی زندگی گزار رہے ہیں مگر ملک میں بی جے پی حکومت اپنی سیاسی مفاد کے لئے سی اے اے کو جاری کر کے ملک میں ذات پات کی نفرت پیدا کر نے کی کوشش کر رہی ہے۔

اس لئے آج ملک کے تمام علمائے کرام اور دیگر مذاہب کے سیاسی و مذہبی رہنما نے سی اے اے کے خلاف اس احتجاجی دھرنا میں شرکت کر کے اتحاد کا پیغام دیا۔