پاکستان کے وزیراعظم عمران خاں 22 جولائی کو امریکی صدر ڈونلڈ ٹرمپ سے وائٹ ہاؤس میں ملاقات کریں گے۔
وائٹ ہاؤس نے بدھ کو جاری ایک بیان میں کہا: 'صدر ڈونلڈ ٹرمپ 22 جولائی کو پاکستان کے وزیر اعظم عمران خان کا وائٹ ہاؤس میں خیر مقدم کریں گے۔'
وائٹ ہاؤس کی جانب سے کہا گیا ہے کہ پاکستان بہت زیادہ جدوجہد کا گواہ رہا ہے۔ اس دورے سے خطے میں امن واستحکام اور اقتصادی خوشحالی کے لیے امریکہ اور پاکستان کے درمیان تعاون میں مضبوطی آئے گی۔
بیان میں کہا گیا ہے کہ اس دوران صدر ٹرمپ اور وزیر اعظم عمران خان کے مابین جنوبی ایشیا میں امن اور دونوں ممالک کے درمیان مستقل شراکت داری کے مقاصد، دہشت گردی، دفاع اور تجارت سمیت کئی معاملات پر بات چیت کی جائے گی۔
ایک برس قبل پاکستان کا وزیراعظم منتخب ہونے کے بعد عمران خان پہلی بار امریکہ کا دورہ کر رہے ہیں۔
پاکستانی میڈیا نے دو روز قبل ہی پاکستانی وزیراعظم کی امریکی صدر سے ملاقات کی خبر چلائی تھی۔
پاکستان کے وزیرخارجہ شاہ محمود قریشی گزشتہ ماہ میڈیا سے کہا تھا کہ امریکی صدر ڈونلڈ ٹرمپ نے جون میں وزیراعظم کو امریکہ دورے کی دعوت دی تھی، لیکن بجٹ سیشن کی وجہ سے اسے موخر کرنا پڑا۔
