صدر جمہوریہ رام ناتھ کووند نے پیر کو 72 ویں یوم جمہوریہ کے موقع پر قوم کے نام اپنے خطاب میں کہا کہ 'خود اعتمادی کے ساتھ بھارت نے بہت سے شعبوں میں بڑے اقدامات کیے ہیں۔ ہماری معاشی اصلاحات کو پوری رفتار سے آگے بڑھنے کے لئے نئے قوانین بنا کر زراعت اور لیبر کے شعبوں میں ایسی اصلاحات کی گئیں، جو ایک طویل عرصے سے توقع کی جارہی تھی۔'
انہوں نے کہا کہ 'شروع میں ان اصلاحات کے بارے میں خدشات پیدا ہوسکتے ہیں لیکن اس میں کوئی شک نہیں کہ حکومت کسانوں کے مفادات کے لئے پوری طرح سے وقف ہے۔'
رام ناتھ کووند نے کہا کہ 'اتنے بڑے ملک کو خوراک اور دودھ کی مصنوعات پر خود کفیل بنانے پر کسان بہن بھائیوں کو تمام ملک کے شہریوں کی طرف سے دلی مبارکباد پیش کرتے ہیں۔ برعکس قدرتی حالات، بہت ساری چیلنجوں اور کووڈ کی تباہی کے باوجود ہمارے کسان بھائیوں اور بہنوں نے زرعی پیداوار میں کوئی کمی نہیں آنے دی۔ یہ ملک ہمارے کسانوں کی فلاح و بہبود کے لئے پوری طرح پرعزم ہے۔'
صدر جمہوریہ کووند نے کہا کہ 'جس طرح محنتی کسان ملک کی غذائی تحفظ کو یقینی بنانے میں کامیاب رہے ہیں، اسی طرح ہماری فورسز کے بہادر سپاہی سخت ترین حالات میں بھی ملک کی سرحدوں کی حفاظت کرتے رہے ہیں۔ لداخ، سیاچن اور وادی گولان میں منفی 50 سے 60 ڈگری سنٹی گریڈ سردی میں، جیسلمیر میں 50 ڈگری سنٹی گریڈ سے زیادہ گرمی میں، زمین، آسمان اور ساحلی علاقوں میں ملک کے فوجی ملک کی حفاظت کی ذمہ داری نبھاتے ہیں۔'
یہ بھی پڑھیں: کسانوں کی یلغار ملک کو نئی سمت اور نیا حوصلہ دے گی: کانگریس
انہوں نے کہا کہ 'ہم سب کو اپنے فوجیوں کی بہادری، حب الوطنی اور قربانی پر فخر ہے۔'
