دھوکہ دہی اور جعل سازی میں ملوث یہ چاروں ملزمان یہاں کے مختلف ہوٹلوں اور دکانوں سے اعلیٰ معیار کے چاولوں کے خالی ہونے والے تھیلے جمع کرتے تھے اور پھر انہیں ایک مکان میں لے جاکر اُن میں غیرمعیاری چاول پیک کرکے ان پرمشہور برانڈ کی مہر لگائی جاتی تھی۔
اس طرح یہ غیر معیاری چاول مہنگے داموں فروخت کیے جاتےتھے۔
العربیہ کے مطابق 'پولس کے مطابق چھاپے کے وقت غیرمعیاری چاول کی مشہور برانڈ کے چاول کے تھیلوں میں پیکنگ، سیل اورترسیل کی جا رہی تھی۔ پولیس نے چھاپے کے دوران 19 ہزار 500 خالی بیگ ضبط کئے۔'
العربیہ نے وزرات تجارت وسرمایہ کاری کمیٹی کے چیئرمین اور مشترکہ سیکیورٹی مہم کے انچارج صالح العنزی کے حوالے سے خبر دی ہے کہ ملزمین یہ غیرمعیاری چاول شہرکی چھوٹی اور پرچون فروشوں کی دکانوں میں اعلیٰ قیمت پر سپلائی کیا کرتے تھے۔
