امریکہ کے وزیر خارجہ مائک پومپیو اور وزیر دفاع مارک ایسپر نے آج قومی جنگی یادگار پر جاکر شہدا کو خراج عقیدت پیش کیا۔
مسٹر پومپیو اور مسٹر ایسپر تیسری وزرا سطح کی 'ٹو پلس ٹو' بات چیت میں حصہ لینے کے لیے پیر کی دوپہر کو دو روزہ دورے پر یہاں پہنچے تھے۔
یہ دونوں اپنے بھارتیہ ہم منصبوں کے ساتھ آج اس بات چیت میں حصہ لیں گے۔
امریکہ کے وزیر خارجہ مائیک پومپیو اور وزیر دفاع مارک ایسپر بھارت کے دو روزہ دورے پر ہیں۔ وہ اپنے بھارتی ہم منصب سے ملاقات اور بات چیت کر رہے ہیں جب کہ آج وزارتی سطح کے 'ٹو پلس ٹو' مذاکرات میں شرکت بھی کریں گے۔
بھارت اور امریکہ آج ایک اہم دفاعی معاہدے پر دستخط کریں گے، جس سے دونوں ممالک کی افواج کے مابین جدید فوجی ٹکنالوجی، سازو سامان اور جغرافیائی نقشہ جات کے اشتراک کی راہ ہموار ہوگی۔
وزیر دفاع راجناتھ سنگھ نے گزشتہ روز اپنے امریکی ہم منصب مارک ٹی ایسپر سے وسیع امور پر تبادلہ خیال کے بعد حکام کو یہ اطلاع دی۔
واضح رہے کہ دونوں ممالک کے درمیان یہ تیسری وزرا سطح کی بات چیت ہے۔ دونوں وزرا کا بعد میں وزیراعظم نریندر مودی سے ملنے کا بھی پروگرام ہے۔
