کرناٹک کے شہر بنگلورو میں اپنی ریاست واپس لوٹنے کا مطالبہ کررہے اور مشتعل مزدوروں نے سفر کے انتظامات صحیح ڈھنگ سے نہیں ہونے کی وجہ سے جم کر پتھراؤ کیا جس میں کئی پولس اہلکار زخمی ہوگئے ہیں۔
پولس نے بتایا کہ یہ واقعہ پیر کی رات مڈاورا کے نزدیک بنگلور انٹرنینشل ایکزی بیشن سینٹر (بی آئی سی) میں ہوا۔ بہار، اڈیشہ، راجستھان اور اترپردیش کے ہزاروں مزدور بڑی تعداد میں بی آئی سی میدان آئے تھے۔ غیر مقیم مزدور پیر کی صبح سے ہی اکٹھا ہونا شروع ہوگئے تھے۔
ان مزدوروں کو مدد کی کوئی امید جب نہیں دکھی تو وہ تشدد پر آگئے اور تقریبا رات آٹھ بجے کے آس پاس پولس پر پتھراؤ کرنے لگے۔ کئی پولس اہلکاروں کو سنگین طور سے چوٹیں آئیں ہیں۔
پنیا پولس اسٹیشن میں انسپکٹر منڈوراج کے سرپر چوٹ آئی اور خون بہنے لگا۔ انہیں فوری طور سے نزدیک میں واقع اسپتال لے جایا گیا۔ مزدوروں نے کہا ہے کہ انہیں اپنے ریاستوں میں لوٹنے کی اجازت دی جانی چاہئے اور ٹرین خدمات کی بحالی کا فورا مطالبہ کیا۔
