ریاست اترپردیش کے بجنور ضلع کے تھانہ کوتوال شہر بجنورکے قاضی پاڑہ علاقے میں ایک روز قبل گھر میں سوم دیوی نام کی بیوہ خاتون کی کرسی پر خون سے آلود لاش ملی۔
گھر میں کرسی پر بیٹھی بیوہ خاتون پر نامعلوم حملہ آوروں نے سر پر تیز دھاری ہتھیار سے حملہ کر قتل کی واردات کو انجام دیا۔ جس کے بعد موقع پر پہنچی پولیس نے لاش کو پوسٹ مارٹم کے لئے روانہ کیا اور اسی دوران بیوہ خاتون کے قتل کا انکشاف کر دیا ہے۔
اس دوران پولیس نے لاش کو قبضے میں لے کر پوسٹ مارٹم کے لئے روانہ کر دیا تھا اور پولیس اس پورے معاملے کی تفتیش میں لگی ہوئی تھی۔
پولیس نے بیوہ خاتون کے قتل کے مجرم پون کمار کو گرفتار کرلیا ہے۔ سوم دیوی کا قتل کسی اور نے نہیں بلکہ سوم دیوی کے ہی شوہر کے بڑے بھائی نے اسے موت کے گھاٹ اتار دیا تھا۔
اس کی وجہ یہ ہے کہ سوم دیوی کی جائیداد کا تنازعہ کچھ دن سے چل رہا تھا۔ کہنا نہ ماننے پر پون نے سوم دیوی کو تیز دھار ہتھیار سے سر پر حملہ کر کے سوم دیوی کو موت کی نیند سلا دیا تھا۔
پولیس نے ملزم پون کو گرفتار کرکے قتل کے الزام میں مقدمہ درج کرلیا ہے-
