وزیر اعظم نریندر مودی نے بھارت کی اقوام متحدہ کی سلامتی کونسل کا عارضی رکن منتخب ہونے پر خوشی کا اظہار کیا ہے، اور بھارت کی حمایت کرنے پر عالمی برادری سے اظہار تشکر کیا ہے۔
وزیر اعظم نے جمعرات کے روز ایک ٹویٹ میں لکھا 'عالمی برادری کی جانب سے اقوام متحدہ کی سلامتی کونسل میں بھارت کی رکنیت کے لیے بھاری حمایت کے لیے انتہائی شکرگزار ہوں، بھارت عالمی سطح پر امن، سلامتی، نرمی اور مساوات کے فروغ کے لیے تمام رکن ممالک کے ساتھ مل کر کام کرے گا'۔
واضح رہے کہ بھارت کو آٹھویں بار اقوام متحدہ کی سلامتی کونسل (یو این ایس سی) کا عارضی رکن منتخب کیا گیا ہے، 192 ووٹوں میں سے 184 ووٹ بھارت کے حق میں ڈالے گئے۔
بھارت پہلی مرتبہ 1950 میں غیر مستقل رکن کے طور پر منتخب ہوا تھا، اور آج آٹھویں بار غیر مستقل رکن کے طور پر منتخب ہوا ہے، 2021-22 کی مدت کے لیے بھارت ایشیائی ممالک کے زمرے سے غیر مستقل نشست کے لیے واحد امیدوار تھا۔
