جمعرات کے روز ایک ویڈیو کانفرنس میں مودی نے کوئلے کی کانوں کے تجارتی استعمال کے لیے ٹینڈر کے افتتاح کے موقع پر کہا ، ایک وقت تھا جب کوئلے کی کانوں میں بڑے پیمانے پر بد عنوانی کی کہانیاں سامنے آئیں لیکن یہ پہلا موقع ہے جب شفاف طریقے سے کوئلے کی کانوں کی نیلامی کی جارہی ہے۔
انہوں نے کہا کہ کوئلے کے شعبے میں کام میں پہلے بہت زیادہ بدانتظامی ہوئی ہے لیکن 2014 کے بعد اس کی بہتری کیلئے بہت سے اقدامات کئے گئے۔ ان اصلاحات سے کوئلے کے شعبے کو تقویت ملی اور اب یہ فیصلہ کیا گیا ہے کہ ہندوستان کے کوئلے کی کان کے شعبے میں مسابقت کو فروغ اور اس میں جدید ٹکنالوجی کا استعمال کیا جائے۔
مودی نے کہا کہ ملک نے خود مختار بننے کا ہدف طے کیا ہے اور ہم ایک خود انحصار ہندوستان کی تعمیر کر سکتے ہیں۔ ملک میں کھپت اور رسد میں زبردست تیزی ہے، جو ملک کی مالی طاقت کا اشارہ ہے۔ کوئلے کی کانوں کا کمرشیلائزیشن اس سمت میں ایک اور قدم ہے، جو ملک کو خود انحصار کرے گا اور آگے بھی بڑھے گا۔
