اس کانکلیو کا انعقاد کیرالہ کے بڑے اخبارات میں سے ایک مليالا منورما کی جانب سے کیا گیا۔ نیوز کانکلیو میں نیا ہندوستان ، نئی حکومت، نئی امنگیں، نئے چیلنجز، نئی سرحدیں اور نئے راستے جیسے اہم موضوعات پر با ت چیت کی جائے گئی۔
ذرائع نے کہا’’ہم ہمارے سامنے موجودہ چیلنجز اور اس پر روشنی ڈالنے کے لیے ہندوستان کے ذہین لوگوں کو سامنے لائیں گے‘‘ ۔ انہوں نے کہا’’ان لوگوں کی فہرست میں سب سے اوپروزیر اعظم نریندر مودی ہیں جو نئے ہندوستان کے تعلق سے اپنا نقطہ نظر پیش کریں گے ۔ 30 اگست کو کیرالہ میں مختلف نظریا ت پر گفت و شنید ہوگی جس سے تعمیر وترقی کے نئے راستے کھلیں گے ۔
کانکلیو میں سیاست، مذہب سے لے کر تفریح سے منسلک ان موضوعات پر گہری بحث ہوگی جن کا لوگوں کی زندگی پر گہرا اثر پڑتا ہے ۔ بھارتیہ جنتا پارٹی (بی جے پی) لیڈر آر بالا شنکر، مرکزی وزیر پرکاش جاوڈیکر، بی جے پی کے جنرل سیکریٹری پی مرلی دھر راؤ، بھارتی کمیونسٹ پارٹی کے لیڈر ڈی راجہ، ترواننت پورم سے لوک سبھا رکن پارلیمنٹ ڈاکٹر ششی تھرور، بی جے پی کی قومی ترجمان میناکشی لیکھی اور دیگر معزز ین کانکلیو سے خطاب کریں گے۔
