'بے خوف جیو با عزت جیو'

ملک بھر میں ایک ہی مذہب کے ماننے والوں کو ہجومی تشدد کے ذریعے خوفزدہ کرنے کی کوشش کی جا رہی ہے اور مختلف نئے قوانین سے ان کے اعتماد کو توڑنے کا کام کیا جا رہا ہے۔

دارالحکومت دہلی میں سماجی تنظیم 'پاپولر فرنٹ آف انڈیا' کی جانب سے پریس کانفرنس کی گئی، جس میں قومی سطح پر ہونے والے واردات کے خلاف مظلوم طبقات میں اعتماد پیدا کرنے کی بات کہی گئی۔

تنظیم کے سیکریٹری انیس احمد نے کہا کہ ان کا مقصد مظلوموں کو قانونی امداد فراہم کرنے کے ساتھ ان میں اعتماد بھی پیدا کرنا ہے، تاکہ وہ عزت اور وقار کے ساتھ اپنی زندگی گزار سکیں۔

انہوں نے مزید کہا کہ ملک بھر میں ایک ہی مذہب کے ماننے والوں کو ہجومی تشدد کے ذریعے خوفزدہ کرنے کی کوشش کی جا رہی ہے اور مختلف نئے قوانین سے ان کے اعتماد کو توڑنے کا کام کیا جا رہا ہے۔