عبادت گاہیں کھلتے ہی مندروں میں بھیڑ

ان لاک 1 کا دوسرا مرحلہ آج سے شروع ہو گیا ہے، اس کے ساتھ ہی آج سے تمام عبادت گاہوں کو کھول دیا گیا ہے، صبح میں مسلمانوں نے مساجد میں فجر کی نماز ادا کی تو وہیں مندروں میں عقیت مند کی بھیڑ جمع ہونا شروع ہوگئی ہے۔

آج سے ملک بھر میں مذہبی مقامات اور عبادت گاہیں کھول دی گئی ہیں، اجازت ملتے ہی مسلمانوں نے ڈھائی ماہ بعد مساجد میں جاکر فجر کی نماز ادا کی۔ وہیں

ملک بھر کے دیگر مندروں میں بھی آج سے پوجا شروع ہوگئی ہے، دہلی کے جھنڈے والان مندر میں پوجا کے لیے لوگ کا بڑا مجمع پہنچ گیا، صبح سے ہی مندر میں لوگوں کے پہنچنے کا سلسلہ جاری ہے۔

بشکریہ ٹویٹر

اتر پردیش کے وزیر اعلیٰ یوگی آدتیہ ناتھ نے بھی گورکھپور واقع گورکھ ناتھ مندر میں آج صبح پوجا کی، اس کے علاوہ ملک کی بیشتر مساجد میں آج فجر کی نماز ادا کی گئی۔

حالانکہ مساجد میں نماز ادا کرنے یا مندروں میں داخلے کے لیے حکومت کی جانب سے شرائط عائد کی گئی ہیں، مساجد میں مصلیان کو گھروں سے وضو بنا کر جانے کی ہدایت دی گئی ہے تو مندروں میں پرساد وغیرہ کی تقسیم پر روک رہے گی۔