مغربی بنگال کے ریاستی محکمۂ صحت کی طرف سے جاری کردہ ایک بلیٹن میں کہا گیا ہے کہ کورونا سے متاثر ہونے کے بعد دوبارہ جانچ کے دوران 3،082 مریضوں کی منفی رپورٹ ہونے کے بعد ایک لاکھ سے زیادہ افراد صحت یاب ہوگئے ہیں۔
ہیلتھ بلیٹن میں بتایا گیا ہے کہ ریاست میں صحتیابی کی شرح 76.89 فیصد ہوگئی ہے کیونکہ اب تک مجموعی طور پر 1،01،871 افراد اس مرض سے بچ چکے ہیں۔
اس بلیٹن میں بتایا گیا ہے کہ بڑی تعداد میں روزمرہ کے بڑھتے ہوئے کیسز کے بعد کووڈ 19 کی تعداد 1،32،364 تک پہنچ گئی ہے۔
گزشتہ ایک دن میں کورونا کے 3،245 نئے واقعات کی اطلاع ملی ہے۔
بلیٹن کے مطابق پچھلے 24 گھنٹوں کے دوران 55 افراد کی موت کے بعد مرنے والوں کی تعداد 2،689 ہوگئی۔
اس میں بتایا گیا کہ فعال کیسز کی تعداد 27،804 ہوگئی۔ جمعرات سے تاحال 36،229 نمونوں کی جانچ کی گئی ہے۔
ملک میں کورونا وبا کا قہر رکنے کا نام نہیں لے رہا ہے اور جمعہ کی دیر رات تک انفیکشن کے 65 ہزار سے زیادہ نئے معاملے سامنے آنے سے متاثرین کی مجموعی تعداد 29.70 لاکھ سے زیادہ اور 945 مریضوں کی موت سے ان کی تعداد 56 ہزار کے قریب پہنچ گئی۔
وہیں مہاراشٹر، آندھراپردیش اور تملناڈو سمیت مختلف ریاستوں سے موصولہ اطلاع کے مطابق آج دیر رات تک 65,928 نئے معاملے سامنے آنے سے متاثرین کی تعداد 29,70,268 اور مرنے والوں کی تعداد 55,920 ہوگئی۔
- مزید پڑھیں: کورونا کا اعداد و شمار 29.70 لاکھ سے زیادہ
صحتیاب ہونے والوں کے مقابلہ میں نئے معاملات میں مسلسل اضافہ کی وجہ سے فعال معاملات بھی بڑھ رہے ہیں۔ آج 4,638مزید مریضوں کے اضافہ سے مجموعی فعال معاملات 6,96,666ہوگئے۔ اس دوران 59,199 لوگوں کے صحت یاب ہونے سے انفیکشن سے نجات پانے والوں کی تعداد 22 لاکھ کو پار کر کے 22,17,140 پر پہنچ گئی جس سے صحتیاب ہونے والے مریضوں کی شرح گزشتہ روز کے 74.22 فیصد سے آج بہتر ہو کر 74.64 فیصد پر پہنچ گئی۔ مرنے والوں کی شرح بھی کم ہو کر 1.88 فیصد رہ جانے سے راحت ملی ہے۔
