ملک بھر میں جاری لاک ڈاؤن کے درمیان گھریلو تشدد کے واقعات میں اضافہ ہوا ہے۔ ریاست اتراکھنڈ میں گھریلو تشدد کے اب تک 1309 واقعات رپورٹ ہوئے ہیں۔
ایک عہدیدار نے بتایا کہ کورونا وائرس کے پھیلاؤ کو روکنے کے لئے ملک بھر میں لاک ڈاؤن نافذ کرنے کے بعد ، ریاست اتراکھنڈ میں گھریلو تشدد کے 1309 واقعات درج کیے گئے۔
اسٹیٹ پولیس کنٹرول روم کے ریکارڈ کے مطابق ، صرف اودھم سنگھ نگر ضلع سے گھریلو تشدد کی 438 شکایات ، دہرادون میں 312 ، ہریدوار میں 281 اور نینیٹل میں 116 شکایات درج کی گئیں۔ ان علاقوں کے علاوہ ریاست کے نو دیگر اضلاع سے بھی شکایات درج کی گئیں۔
