راجیو گاندھی فاؤنڈیشن کے ذریعہ ملک میں کھلے عام ڈاکہ ڈالا گیا: بی جے پی

بھارتیہ جنتا پارٹی (بی جے پی) نے گاندھی - واڈرا کنبہ پر آج پھر سے تیز و تند حملہ کیا۔ بی جے پی کے قومی ترجمان سمبت پاترا نے پریس کانفرنس میں اس خاندان پر الزام عائد کرتے ہوئے کہ یہ خاندان راجیوگاندھی فاؤنڈیشن کے ذریعہ مفرور میہل چوکسی، گھپلہ باز رانا کپور، جگنیش شاہ اور متنازع اسلامی مبلغ ڈاکٹر ذاکر نائک سے ملک کی دولت کی لوٹ کی چھوٹ دینے کے عوض میں لاکھوں روپے لیتا رہا ہے۔

بی جے پی کے قومی ترجمان ڈاکٹر سمبت پاترا نے یہاں ایک پریس کانفرنس میں اس تعلق سے جاری تحقیقات کے تازہ ترین نتائج پر تبادلہ خیال کرتے ہوئے کہا کہ، 'راجیو گاندھی فآنڈیشن میں عطیہ کی رقم کا آنا کوئی اتفاق نہیں بلکہ ایک سازش ہے۔ پنجاب نیشنل بینک کے گھپلہ میں پھنسے میہل چوکسی کے بیٹے روہن چوکسی کی شیل کمپنی نویراج اسٹیٹ پرائیویٹ لمٹیڈ نے 29 اگست 2014 کو راجیو گاندھی فاؤنڈیشن کو دس لاکھ روپے دیے تھے۔ اس کمپنی میں میہل چوکسی بھی ڈائریکٹر تھے۔ چوکسی کی کمپنیاں گیتانجلی اور نویراج پر کالے دھن کو سفید بنانے والے منی لانڈرنگ قانون کے تحت مقدمہ درج ہے اور اس کی تحقیقات جاری ہے۔'

ڈاکٹر پاترا نے کہا کہ، 'یس بینک کے پروموٹر رانا کپور سلاخوں کے پیچھے ہیں لیکن دو کروڑ روپے کی پینٹنگ خریدی تھی اور بینک سے راجیو گاندھی فاؤنڈیشن کو 9.45 لاکھ روپے کی رقم دی تھی۔

یس بینک کا گھپلہ فنڈ کے ڈائورزن کا ہے اور بینک نے کل 3557 کروڑ روپے کا ڈائورزن کیا گیا ہے۔اسی طرح جگنیش شاہ کی فائنینشل ٹیکنالوجی انڈیا لمٹیڈ نے بھی فاونڈیشن کو 50لاکھ روپے عطیہ کیے تھے اور اس کمپنی میں 5600 کروڑ روپے کا گھپلہ ہوا ہے۔'

بی جے پی ترجمان نے کہا کہ، 'اسلامی مبلغ ذاکر نائک کے اسلامی ریسرچ فاونڈیشن کا پیسہ لوٹایا گیا لیکن وہ رقم کسی اور بینک اکاونٹ میں لوٹائی گئی۔'

انہوں نے کہا کہ، 'یہ سب ظاہر کرتا ہے کہ کس طرح سے راجیو گاندھی فاونڈیشن کے ذریعہ کھلے عام ڈکیتی ڈالی گئی۔سنٹرل بیورو آف انویسٹی گیشن (سی بی آئی) اور انفورسمنٹ ڈائریکٹوریٹ اس کی تحقیقات کررہا ہے۔'