ایسے میں زبردست فیس وصول کرنے والے مجھے اسکول کے منتظمین کے خلاف بچوں کے والدین نے گجرات ہائیکورٹ کا دروازہ کھٹکھٹایا تھا جس پر ہائیکورٹ نے گزشتہ دنوں فیصلہ سناتے ہوئے گجرات کے تمام اسکول کے دوبارہ کھلنے تک فیس نہ وصول کرنے کا حکم دیا ہے۔
اس فیصلے کو مدنظر رکھتے ہوئے گجرات کے پرائیویٹ اسکول کے منتظمین نے آن لائن تعلیم کو جمعرات سے بند کرنے کا فیصلہ کیا ہے۔ اس تعلق سے راج کوٹ کی ایک پرائیویٹ اسکول کے بورڈ آف ڈائریکٹر کے نائب صدر جتین بھراڈے نے کہا ہے کہ گجرات میں جب تک اسکول نہ کھلے تب تک اسکول فیس نہ لینے کے لیے ریاستی حکومت نے ایک سرکلر جاری کیا ہے۔
اسکول انتظامیہ نے اس پر اعتراض کیا ہے کیونکہ بغیر فیس کے اسکول کی منتظمین و اساتذہ اور دیگر عملے کے سیلری اور دوسرے اخراجات اسکول کے منتظمین برداشت نہیں کرسکتے ہیں اب تک آن لائن تعلیم مہیا کی جا رہی تھی جس کے پیچھے اسکولوں کو بہت خرچ کرنا پڑھ رہا تھا لیکن اب اسکول نہیں کھلتی ہیں وہاں تک فیس نہ بولنے کا فیصلہ کیا گیا ہے۔
ہم نے طلبا کو آن لائن ایجوکیشن دینا بند کر نے کا فیصلہ لیا ہے۔ پورے گجرات میں آن لائن ایجوکیشن بند کرنے کا فیصلہ کیا گیا ہے جس کے تحت کل سے پورے گجرات میں نجی اسکولوں میں آن لائن تعلیم دینا بند کرنے کا حکم دیا گیا ہے۔
اس کی وجہ سے گجرات کی تمام چھوٹی سے بڑی تقریباً چھ ہزار پرائیویٹ اسکولوں میں تعلیم فراہم کرنا بند کیا جاے گا جس سے ایک بار پھر بچوں کی تعلیم متاثر ہونے کا خطرہ لاحق ہوگیا ہے۔
