پپو یادو نے حکومت پر تنقید کرتے ہوئے کہا کہ نتیش حکومت کو چاہیے کہ جلد ہی ایسے افراد کو تلاش کر کے کارروائی کرے، جو پیاز کی کالا بازاری کررہے ہیں۔
انہوں نے پیاز کی کالا بازاری کرنے والوں کے خلاف سی بی آئی سے تحقیقات کرانے کا بھی مطالبہ کیا، تاکہ مافیاوں کوسزا دی جا سکے۔
انہوں نے کہا کہ بی جے پی کے دور اقتدار میں مسلسل چیزیں مہنگی ہو رہی ہیں۔ پٹرول، ڈیزل کی قیمتوں میں مسلسل اضافہ ہورہا ہے اور یہ منافع بخش حکومت بن چکی ہے۔
انہوں نے مزیدکہا کہ حکومت کی جانب سے بدعنوان افراد کے خلاف کوئی بھی کارروائی نہیں کی جاتی ہے۔
انہون نے حیدرآباد حادثے پر کہا کہ بیٹیوں کے ساتھ ہونے والے جنسی زیادتی کے واقعات پر کب تک موم بتیاں جلتی رہیں گی؟ ایسے حادثات کو انجام دینے والوں کو سخت سے سخت سزا ملنی چاہئے۔
انہوں نے کہاکہ حالیہ دنوں میں ریاست میں متعدد مجرمانہ واقعات رونما ہوئے ہیں اور حکومت خاموش بیٹھی ہوئی ہے۔ ایک ہی روز میں گیا میں 2 قتل ہوجاتے ہیں اور حکومت و انتظامیہ کے کان پر جوں تک نہیں رینگتی۔
