بس کی کھڑکی سے گر کر ٹائرکے نیچے آنے سے نوجوان کی موت

ہریانہ کے جند-روہتک شاہراہ پر جلانا میں آج روڈویز کی بس کی کھڑکی سے گرنے کے بعد اسی بس کے ٹائر کے نیچے آنے سے ایک نوجوان کی موت ہو گئی۔

پولیس نے بتایا کہ حصار کے بڑچھپر گاؤں کا 20 سالہ نوجوان اجے جولانا سے روہتک جا رہا تھا۔ جولانا میں ہی پرانی تحصیل کے قریب اچانک وہ بس کی اگلی کھڑکی سے گر گیا اور بس کے ٹائر کے نیچے آ گیا۔ بس میں بھیڑ زیادہ تھی۔ ڈرائیور واقعہ کے بعد بس چھوڑ کر فرار ہو گیا۔

اجے کو جلانا کمیونٹی ہیلتھ سنٹر میں داخل کرایا گیا جہاں ڈاکٹروں نے اسے مردہ قرار دے دیا۔ پولیس نے بس ڈرائیور کے خلاف مقدمہ درج کرکے جانچ شروع کر دی ہے۔