بھوپال میں یونانی سیمینار کا اہتمام

ریاست مدھیہ پردیش کے دارالحکومت بھوپال میں آل انڈیا یونانی طبّی کانگریس، یونانی آفیسر ایسوسی ایشن اور یونانی میڈیکل پروفیشنل ایسوسی ایشن کے مشترکہ بینر تلے یونانی ڈے کے موقع پر قومی سیمینار کا اہتمام کیا گیا۔

بھوپال کے گاندھی میڈیکل کالج کے آڈیٹوریم میں نیشنل سیمینار ان یونین میڈیسن کے عنوان سے پہلی بار نیشنل سیمینار کا انعقاد کیا گیا-

بھوپال میں یونانی سیمینار کا نعقاد

آل انڈیا یونانی طبّی کانگریس، یونانی آفیسر ایسوسی ایشن اور یونانی میڈیکل پروفیشنل ایسوسی ایشن کے مشترکہ طور پر اس قومی سیمینار میں جہاں پہلی بار تینوں ایسوسی ایشن نے باہمی اتحاد کے ساتھ طبی یونانی کے فروغ کے لیے قدم اٹھانے کا فیصلہ کیا ۔

وہی مدھیہ پردیش میں طب یونانی کی مشکلات اور حکومتی عدم توجہ پر سوال اٹھائے-

مدھیہ پردیش میں یوں تو طب یونانی کے فروغ کے لیے ایک سرکاری اور تین غیر سرکاری کالجز موجود ہیں لیکن کالجوں میں پی جی کی تعلیم اور سرکاری ملازمتوں میں ان کی تقرری کو نظر انداز کئے جانے اور یونانی اسپتالوں میں سہولیات کا فقدان ہونے کی نیشنل سیمینار میں شکایت کی گئی-

یونانی کانفرنس کا انعقاد اس سے قبل مسیح الملک حکیم اجمل خان کی ولادت پر گیارہ فروری کو کیا جاتا ہے لیکن اس بار 14 فروری کو انہیں خراج عقیدت پیش کی گئی-

اس سمینار میں جہاں دانشوروں نے یونانی طریقہ علاج کی اہمیت و افادیت پر تفصیل سے روشنی ڈالیں وہی مدھیہ کی وزیر آیوش اور وزیرقانون یونانی ایسوسی ایشن کے مطالبات کو پورا کرنے کا بھی وعدہ کیا.