متحدہ عرب امارات (یواے ای) اور جاپان سمیت اقوام متحدہ نے پاکستان میں آنے والے زلزلہ سے متاثرہ لوگوں کی باز آبادکاری کے لیے مالی امداد دینے کی پیش کش کی ہے۔
واضح رہے کہ پاکستان کی قومی آفات بندوبست اتھارٹی (این ڈی ایم اے)کے ایک اہلکار نے جمعہ کو یہ اطلاع دی۔
انھوں نے کہاکہ آفات سے نمٹنے کے لیے ملک کے پاس تمام طرح کے ضروری وسائل موجود ہیں۔
خیال رہے کہ پاکستان کے شمالی علاقہ اور پاکستان کے زیر انتظام کشمیر میں بدھ کو 5.8 شدت کے زلزلہ کی وجہ سے 40 افراد ہلاک ہوگئے تھے جبکہ 450 مکانات کو نقصان پہنچا ہے۔
واضح رہے کہ جمعرات کو بھی دوبارہ زلزلے کے جھٹکے محسوس کیے گئے جس میں 75 افراد زخمی ہوگئے، اور زلزلہ کی وجہ سے 10 ہزار سے زیادہ لوگ متاثر ہوئے ہیں۔
