ملک میں عالمی وباکوڈ۔19 کا پہلا کیس رواں برس 30 جنوری کو سامنے آیا تھا اور اس کے بعد حکومت نے مسلسل جانچ کا دائرہ بڑھایا اور اس سے متاثرہ افراد کی کھوج اور وائرس کی روک تھام پر توجہ دی۔
جمعرات کو انڈین کونسل آف میڈیکل ریسرچ (آئی سی ایم آر) کے جاری کردہ اعدادوشمار کے مطابق 25 نومبر تک جانچ کی مجموعی تعداد 13 کروڑ 59 لاکھ 31 ہزار 545 ہوگئی ہے۔
واضح رہے کہ اس میں 25 نومبر کو 10 لاکھ 90 ہزار 238 جانچ بھی شامل ہے۔
کورونا وائرس کے پھیلاؤ کو روکنے کے لیے 24 ستمبر کو ایک دن میں ریکارڈ 14 لاکھ 92 ہزار 409 نمونوں کی جانچ کی گئی تھی۔
