'ملک کے لیے فیصلہ کرنے سے نہیں ہچکچائیں گے'

بھارتیہ جنتا پارٹی کے قومی ایکزیکیوٹیو صدر جگت پرکاش نڈا نے کہا کہ 'پارٹی کی سوچ ایک نیا بھارت بنانے کی ہے اور پارٹی ملک کے مفاد میں کوئی بھی بڑا فیصلہ کرنے سے نہیں ہچکچائے گی۔'

انہوں نے کہا کہ 'جموں و کشمیر بینک بدعنوانی کے ملزم جلد ہی جیل کی سلاخوں کے پیچھے ہوں گے۔'

انہوں نے کہا کہ 'جموں و کشمیر میں اب تک تین کنبوں کا قبضہ تھا جس سے وہاں صرف بدعنوانی ہوئی اور یہ ریاست کی ترقی کی دوڑ میں پیچھے رہ گئی لیکن وہاں سے دفعہ 370 ہٹنے کے بعد اب پورے ملک میں 'ایک قانون، ایک نشان اور ایک آئین' نافذ ہوا ہے۔ اس سے ریاست میں ترقی کی نئی ہوا چلے گی۔'

انہوں نے کہا کہ 'بی جے پی کی قیادت والی مرکزی حکومت نے اقتدار میں آنے سے پہلے تین مہینوں میں ہی جموں و کشمیر سے آرٹیکل 370 ہٹانے اور تین طلاق ختم کرنے جیسے تاریخی فیصلے کیے ہیں۔'