اتر پردیش میں نوئیڈا کے ہنڈن ندی کے نزدیک تعمیر کی گئی 10 کالونیوں کے باشندے بجلی سے متعلق مشکلات کے خلاف دھرنے پر بیٹھے ہیں۔
نوئیڈا شہر کانگریس کمیٹی کے صدر مکیش یادو کی قیادت میں نوئیڈا کے سیکٹر 16 بجلی گھر پر لوگ اپنے مطالبات کو لیکر دھرنے پر ہیں۔
دھرنے کو مزید تقویت فراہم کرنے کی غرض سے کانگریس پارٹی کے رہنما اور آل انڈیا کانگریس کمیٹی کے غیر منظم کامگارکے انچارج اجے اپادھیائے بھی شامل ہوئے۔
اس موقع پر مکیش یادو، اتر پردیش کانگریس کمیٹی کے رکن ستندر شرما ،ضلع یوتھ کانگریس کے صدر پرشوتم ناگر، مغربی اترپردیس غیر منظم کامگار کے انچارج اندرجیت تیواری اور نوئیڈا شہر کے غیر منظم کامگار کے صدر شاکر علی بھی موجود تھے۔
