پیر کے روز کارکنان کے ساتھ میٹنگ میں کانگریس صدر راہل گاندھی نے کارکنان سے اپیل کی ہےکہ پارٹی کو قومی دارالحکومت کی تمام لوک سبھا سیٹوں پر کامیابی حاصل کرنے کے لیے پوری طاقت جھوكنی ہے۔
راہل گاندھی نے پیر کے روز دہلی کانگریس کے 'میرا بوتھ، میرا گورو' پروگرام میں بوتھ سطح کے صدور کی کانفرنس سے خطاب کرتے ہوئے کہا کہ "کانگریس کو دہلی کی تمام ساتوں سیٹیں جیتنی ہیں"۔
کانگریس صدر کی اس اپیل کو واضح اشارہ مانا جا رہا ہے کہ پارٹی لوک سبھا انتخابات میں دہلی میں اب عام آدمی پارٹی کے ساتھ اتحاد نہیں کرے گی۔
گزشتہ ہفتے راہل گاندھی نے اپنی رہائش گاہ پر دہلی کے کانگریسی لیڈروں کی ایک میٹنگ بلا ئی تھی جس میں پارٹی نے دہلی میں تنہا انتخاب لڑنے کا فیصلہ کیا تھا۔ دوسری جانب عام آدمی پارٹی نے بھی دہلی کی ساتوں سیٹوں پر اپنے امیدواروں کا اعلان کر چکی ہے۔
