بھارتی فضائیہ نے چین کی سرحد کے قریب ایئربیس پر نائٹ آپریشن کیا۔ اس سلسلے میں گروپ کیپٹن اے راٹھی نے کہا کہ رات کا آپریشن سب سے اہم ہوتا ہے۔ انہوں نے کہا کہ ایئر فورس جدید پلیٹ فارمز اور پرجوش فوجیوں کی مدد سے کسی بھی ماحول میں آپریشن کے پورے اسپیکٹرم کو انجام دے سکتا ہے۔
راٹھی نے کہا کہ ایئر فورس اس کے لئے پوری طرح سے تربیت یافتہ اور تیار ہے۔ واضح ہو کہ گروپ کیپٹن اے راٹھی بھارت چین سرحد کے قریب فارورڈ ایئر بیس پر سینئر فائٹر پائلٹ ہیں۔
فضائیہ نے اپاچے ہیلی کاپٹر کے ذریعے نائٹ آپریشن کیا ہے۔ ہیلی کاپٹر نے بھارت چین سرحد کے قریب ایئربیس پر اڑان بھری۔
اس کے علاوہ بھارتیہ فضائیہ کے میگ 29 لڑاکا طیارے نے بھی پاک چین سرحد کے قریب نائٹ آپریشن میں حصہ لیا۔
پیر کی رات نائٹ آپریشن میں چنوک ہیوی لیفٹ ہیلی کاپٹر کے ذریعہ بھی اڑان بھری گئی۔
واضح رہے کہ گلوان وادی میں پرتشدد تصادم کے بعد سے دونوں ممالک کی فوجوں کے مابین تناؤ میں اضافہ ہوا ہے۔ تاہم قومی سلامتی کے مشیر (این ایس اے) اجیت ڈووال اور چین کے وزیر خارجہ کے مابین گفتگو کے نتیجے میں لائن آف ایکچول کنٹرول (ایل اے سی) سے دونوں ممالک کی افواج کے پیچھے ہٹنے کی خبر سامنے آئی۔
