این آئی اے نے گرفتار شدت پسندوں کو حراست میں دیئے جانے کی درخواست کرتے ہوئے عدالت کو اتوار کو بتایا کہ شدت پسندوں کے اس گروپ کے دس سے زیادہ دیگر اراکین کی شناخت کرلی گئی ہے۔
اس گروپ کے تمام لوگ بنگلہ بولتے ہیں، انکا ملک کے مختلف علاقوں میں بڑے پیمانہ پر حملہ کرنے کا منصوبہ ہے، اس نے بتایا کہ اس گروپ کے مزید لوگوں کا پتہ چلا ہے لیکن فی الحال ان کی شناخت نہیں ہوسکی ہے۔ کیرالہ سے گرفتار تین شدت پسندوں میں سے دو کو پوچھ گچھ کے لئے آج دوپہر نئی دہلی لے جایا گیا، شدت پسند منگل تک ایجنسی کی حراست میں ہیں۔
خیال رہے کہ ایجنسی نے کل ایک ساتھ چھاپے مارکر نو شدت پسندوں کو سنیچر کی صبح سویرے گرفتار کیا تھا، ان کے پاس سے بڑی تعداد میں جدید ہتھیار، قابل اعتراض دستاویز، جہادی ادب، سیکورٹی جیکٹ، ڈیجیٹل ڈیوائس وغیرہ برآمد کئے گئے ہیں۔
ان کا پورے ملک کے سرکاری اداروں اور معصوم لوگوں کو نشانہ بنانے کا منصوبہ تھا، تمام شدت پسندوں کو پاکستان میں واقع القاعدہ نے سوشل میڈیا کے ذریعہ ہندستان پر بڑے حملے کے لیے تیار کیا تھا۔
