برازیلی وزارت صحت کے مطابق گزشتہ 24 گھنٹوں کے دوران 54 افراد کی اس وبا سے موت ہوئی ہے۔
وزارت صحت کے مطابق اس وائرس سے یہاں ہونے والی یومیہ اموات کی اوسط 12.5 فیصد سے زیادہ ہے۔ ملک بھر میں اس انفیکشن سے ہونے والی موت کی شرح 4.4 فیصد ہے. وہیں اس دوران مریضوں کے 852 نئے کیسز سامنے آئے ہیں۔
اس عالمی وبا نے جنوب مشرقی برازیل میں سب سے زیادہ تباہی مچائی ہے.
جنوب مشرقی برازیل میں اس وائرس کے 60 فیصد یعنی 6678 معاملے درج کئے گئے ہیں، جبکہ اس وائرس سے ہونے والی ہلاکتیں 72.2 فیصد یعنی 351 اموات انہی علاقوں میں ہوئی ہے۔
برازیل میں کورونا وائرس کے سب سے زیادہ کیسز ساؤ پولو میں درج کئے گئے ہیں۔ یہاں کورونا وائرس کے 4620 معاملے درج کئے گئے ہیں اور 275 ہلاکتیں ہوئی ہیں۔
جنوب مشرقی شہر ریو ڈی جنیرو بھی اس وائرس سے شدید متاثر ہے. یہاں اس وائرس کے کل 1394 کیسز سامنے آئے ہیں اور 64 افراد کی موت ہوچکی ہے۔
واضح رہے کہ لاطینی امریکی ملک برازیل کورونا وائرس سے بری طرح متاثر ہے اور افسران بھی اس بات سے واقف ہیں کہ اس وبا میں مبتلا مریضوں کی تعداد کافی زیادہ ہے کیونکہ صرف شدید بیمار لوگ ہی اسپتالز میں شریک ہیں۔
